Kalaallit Arsaattartut Kattuffianni siulersuisut nutaat

 

Matumani nalunaarutigerusupparput Lisa Lind Jensen nuummeersoq kattuffimmi siulittaasup tulliatut inissimmat, siuliani nalunaarummi ataatsimeersuarnermi Finn Meinel siulittaasutut ivertinneqarpoq kattuffillu taamaasilluni siuttuuffigisussanngorlugu. Finn-i siulersuisut siuliini siulittaasup tulliatut inissisimanikuuvoq taamaattumillu arsaattartut kattuffianni sulinissaa nutaarsiassaanngilaq. Kalaallit Arsaattartut Kattuffiat ataatsimiinnermi ulloq novemberip 24-ianni siulersuisut inissititerneqarput.

Siulersuisunut ilaasortat tassaalerput Hans Frederik Olsen Sisimiunit, Loke Svane – Nuuk, Julie Karlsen – Upernavik, Benjamin Kielsen – Narsaq kiisalu Oluf Olrik Qeqertarsuarmit. Siulersuisut nutaat suligasuarnissaminnut suliallu ineriartortitsinernut tunngasut ingerlateqqinnissaannut qilanaarput.

 

KAK-mi unammiuaarnerni ataatsimiititaliaq

 

KAK-mi siulittaasuusimasoq John Thorsen kattuffimmi suli attuumassuteqarallassaaq, matumani KAK-mi siulersuisunit unammiuaarnerni ataatsimiititaliami ilaasortassatut innersuunneqarnerata kingorna. John-i kaammattorneqarnini pillugu akuersisimavoq taamaasillunilu unammiaarnerni ataatsimiititaliami ilaasortaalersut tassaalerput John Thorsen – Nuuk, Loke Svane – Nuuk kiisalu Julie Karlsen Upernavimmit.

KAK-mi ullut 100 -t sinnerlugit ukiumut unammiuaarfiupput, taamaattumik oqartoqarsinnaavoq ataatsimiititaliaq pineqartoq suliassaqarluarpoq uani unammiuaarnerit futsal-imi kiisalu silami isikkammik arsaanneq eqqarsaatigalugit. Ataatsimiititami sulineq kattuffimmi allaffeqarfik peqatigalugu kiisalu peqatatigiiffiit ilaasortat suleqatigalugit ingerlasarpoq.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Allatassaq taarseruk. captcha txt