René Olsen qallunaat nunaanni klubbinilu ajugaapput. JB Gentofte, futsal-imi unammisartut pitsaanersaanni guldinnappoq. René klubbimi tassani sungiusaasooqataavoq.

DM ajugaanniutivinnertut ingerlanneqarpoq, tassani nunap kangianit (København/Sjælland) pitsaanerit sisamat aammalu nunap kitaaneersut (Jylland/Fyn) pitsaanerit sisamat naapimmata kvartfinale-mi.

Tassani JB Gentofte 11-2-mik Kolding IF-imut ajugaavoq. Semifinalimilu FC Fjordbold-imut unamminerminni 4-1-imik JB Gentofte ajugaalluni ajugaanniutivinnermut ingerlaqqilluni. Ajugaanniutivinnermi København Futsal-i naapippaat, tassani imminnut marloriarlutik unammigamik – angerlarsimaffiminni 2-2-lutik naligiipput, unammisamik angerlarsimaffiani 3-1-imik ajugaangamik taamaalillutik katinnerani 5-3-mik ajugaallutik pissartanngorput.

 

“Unammineq kingulleq pissanganartupilussuuvoq, suna tamaat annaasinnaallugu. Pingaartumik muminnginnermi København Futsal arsarluarmat pissanganaqaaq. Mumereernermili arsartugut  unammilluarnerulerput 0-1-imik kinguarsimanerpullu allannngorlugu 2-1-imik siuarluta. Unamminerlu naammassivoq 2-2-mik inuit 800-900 isiginnaartoralugit. Misigisaq uannut annertuvoq tulluusimaarnarporlu peqataaffigigakku. Futsal-imik arsarnermi taktik pitsaassutsimigut qaffasissupilussuuvoq qallunaat nunaanni, taamaattoq Kalaallit Nunatsinni nunanut allanut unammisartugut arlallit pitsaaanerpaanut peqataasinnaalluartutut ujaminnanniunnernullu angummassinnaasut nalilerpara.” René Olsen taama oqarpoq, nangillunilu: “Soqutiginaqaaq unammisartut pitsaasut malinnaaffigissallugit aasamut nunarput qimallugu ilinniariartussat. Ilaatigut aamma Malik Juhl Brøndby Futsal-imi arsartartuusoq uggornartumik uani unamminermi kvart finale-mi ajorsaramik peqataajunnaarput, taamaakkaluartoq malinnaaffigissallugit pissanganarput.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Allatassaq taarseruk. captcha txt