Kalaallit Arsaattartut Kattuffiat nualluut Corona-virus pillugu Nappaalanersuaqarneranut Ataatsimiisitaliap inassuteqaatai malippai.

 

KAK-mi allaffeqarfik ulluni ukunani saaffigineqallattaavoq Corona-virus nualluut pillugu ernumassuteqartunik, apeqquteqarlutik nunatsinni pissartanngorniunnerit pilersaarutit malillugit ingerlanneqassanersut imaluunniit unitsiinnarneqassanersut uani tunillaassuuttoqaratarsinnaanera eqqarsaatigalugu.

 

Timersoqatigiit Kattuffiat Nappaalanersuaqarneranut Ataatsimiisitaliap inassuteqaatai malippai, tassanilu aaqqissuussat 1000-it sinnerlugit peqataaffigineqartut unitsiinnarneqarsinnaanissaat imaluunniit kinguartinneqarnissaat inassutigivaat taamaattumik maannamut illersorsinnaasutut nalilerneqarpoq nunatsinni pissartanngorniunnerit pilersaarutit malillugit ingerlatiinnarneqarnissaat.

Pissartanngorniunnerit ingerlanneqartussat inuit 1000-it ataallugit peqataaffigineqartussaasut uani isiginnaartut ilanngullugit naatsorsuutigineqarpoq, taamaattumik massakkut inissisimaffik naapertorlugu pissartanngorniunnerit ingerlanneqarsinnaallutik. Kattuffiup nualluut pillugu pisut qanimut malinnaavigissavai, taamaatuttaaq KAKmi tunuarsimaarfigineqarani piffissap ingerlanerani kiisalu pisut aallaavigalugit pissartanngorniunnernik unitsitsiinnartoqaratarsinnaanera, imaluunniit pissartanngorniunnerit isiginnaartoqarfiunngitsut ingerlanneqarsinnaanissaat.

KAKp illoqarfiit pissartanngorniuffiusussat kaammattorusuppai isiginnaartunut kiisalu unammianut unamminerit ingerlanneqarnerisa nalaani pissutsinut malitassanik peqassasut nunatta nakorsaanerup kaammattuutai naapertorlugit.

Kattuffiuttaaq peqataasut qinnuigerusuppai, unammiat, dommerit imaluunniit isiginnaartut eqqarsaatigalugit napparsimaneq akuersaarneqarsinnaanngimmat, taamaattumik napparsimasut peqataannginnissaat imaluunniit unamminermi najuutinnginnissaat pillugu qinnuigineqarput. Napparsimasut timersortarfimmi najuuttariaqassanngillat.

Pissartanngorniunnerit aggersut tassalu U18 nivissat nuummi ulluni martsip 13-iat kiisalu 15-iat ilanngullugu, U18 Nukappissat ilulissani ulluni martsip 17-iat kiisalu 20-iat ilanngullugu, arnat futsal GM nuummi sapaatip akunnera 14-imi, angutit Futsal GM sisimiuni sapaatip akunnera 16-imi minnerunngitsumillu utoqqasaat Narsami Nuummilu maaji qaammat ingerlanneqartussat eqqarsaatigalugit.

KAKp peqatigiiffiit angalanissat pillugit suli inniminniisimanngitsut kaammattorusuppai utaqqilaaqqullugit, assersuutigalugu angutit sisimiuni pissartanngorniunnissaat atatillugu utaqqilaaqqullugit angalanissat inniminnernissaannut. Ulluni ukunani annertuumik pisoqariaannaavoq, sualuppoq pisortanit eqqumaniarneq annertooq ingerlatillugu.

KAK kiisalu GIF Nappaalanersuaqarneranut Ataatsimiisitaliap inassuteqaatai malinnaavigeqquai, tassani pisut qanimut paasissutissallu nutaat malinnaavigineqarsinnaammata nittartakkakkut nakorsaaneqarfiup nittartagaani hjemmeside.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Allatassaq taarseruk. captcha txt